Cofnodion cryno - Y Pwyllgor Deisebau

Lleoliad:

Ystafell Bwyllgora 1 - Y Senedd

Dyddiad: Dydd Mawrth, 8 Mawrth 2016

Amser: 09.06 - 10.21
Gellir gwylio’r cyfarfod ar Senedd TV yn:
http://senedd.tv/cy/3390

Yn bresennol

Categori	Enwau
Aelodau’r Cynulliad:	William Powell AC (Cadeirydd) Russell George AC Bethan Jenkins AC Joyce Watson AC
Tystion:
Staff y Pwyllgor:	Steve George (Clerc) Kath Thomas (Dirprwy Glerc) Katie Wyatt (Cynghorydd Cyfreithiol)

<AI1>

Trawsgrifiad

Gweld trawsgrifiad o'r cyfarfod.

</AI1>

<AI2>

1 Cyflwyniad, ymddiheuriadau a dirprwyon

Croesawodd y Cadeirydd bawb i’r cyfarfod.  Ni chafwyd unrhyw ymddiheuriadau.

</AI2>

<AI3>

2 Deisebau newydd

</AI3>

<AI4>

2.1 P-04-681 Caniatáu i’r Cyhoedd Recordio Cyfarfodydd Llywodraeth Leol yng Nghymru

Trafododd y Pwyllgor y ddeiseb am y tro cyntaf a chytunwyd i aros am ymateb y deisebydd er mwyn rhoi cyfle i’r Pwyllgor nesaf ystyried y ddeiseb ymhellach.

</AI4>

<AI5>

2.2 P-04-682 Sgrinio Rheolaidd ar gyfer Diabetes Math 1 mewn Plant a Phobl Ifanc

Trafododd y Pwyllgor y ddeiseb am y tro cyntaf a:

· nododd fod y Gweinidog wedi ymrwymo i ysgrifennu at y Pwyllgor eto ar ôl iddo gael cyngor gan y rhwydwaith diabetes pediatrig i Gymru gyfan:

· cytunodd i ysgrifennu at y Gweinidog i ofyn pam ei fod wedi dod i'r casgliad bod diagnosis prydlon unwaith y mae unigolyn yn dangos arwyddion o ddiabetes math 1 yn ddull mwy effeithiol a hefyd gofyn a fyddai ef neu ei swyddogion yn barod i gwrdd â’r deisebydd;

· cytunodd i ofyn am bapur ymchwil ar ddull pob bwrdd iechyd i brofi am ddiabetes math 1 ymysg plant a phobl ifanc; a

· chytunwyd i ofyn i’r Pwyllgor Iechyd nesaf a fyddent yn ystyried cynnwys y mater hwn ar ei flaenraglen waith ar gyfer y 5^ed Cynulliad.

</AI5>

<AI6>

2.3 P-04-683 Coed mewn Trefi

Trafododd y Pwyllgor y ddeiseb am y tro cyntaf a chytunwyd i:

· aros am sylwadau pellach gan y deisebydd a gofyn i’r Pwyllgor nesaf ystyried y ddeiseb ymhellach pan fydd ar gael;

· tynnu sylw’r deisebydd at y paragraff olaf yn ymateb y Gweinidog, lle mae’n awgrymu y gallent gysylltu ag awdurdodau lleol yng Nghymru i ddatblygu manteision plannu trefol a choed cymunedol a’u helpu i gyflwyno ceisiadau am gyllid at y diben hwn, yn enwedig yng nghyd-destun gweithredu Deddf Cenedlaethau’r Dyfodol (Cymru) 2015 a Deddf Cynllunio (Cymru) 2015.

</AI6>

<AI7>

2.4 P-04-684 Galwn am Ddeddfwriaeth Cynllunio Well a Mwy Effeithiol ar gyfer Tai Amlfeddiannaeth ac am Orchymyn Dosbarthiadau Defnydd Newydd

Trafododd y Pwyllgor y ddeiseb am y tro cyntaf a chytunwyd i ysgrifennu at y Gweinidog yn gofyn iddo ymateb i sylwadau pellach y deisebydd.

</AI7>

<AI8>

3 Y wybodaeth ddiweddaraf am ddeisebau blaenorol

</AI8>

<AI9>

3.1 P-04-660 Y Pwysau Ychwanegol sy'n Wynebu Ardaloedd Gwledig Prin eu Poblogaeth

Datganodd William Powell y buddiant a ganlyn o dan Reol Sefydlog 17.24A:

Mae’n gefnogwr cofrestredig ymgyrch Achub Ysgolion Powys ac yn cymryd rhan weithgar yn un o’i his-ymgyrchoedd.

Datganodd Russell George y buddiant a ganlyn o dan Reol Sefydlog 17.24A:

Mae’n aelod o Gyngor Sir Powys.

Trafododd y Pwyllgor yr ohebiaeth ynghylch y ddeiseb a chytunwyd i:

· ysgrifennu at y Gweinidog yn gofyn am ei sylwadau ar y wybodaeth ychwanegol a chwestiynau a godwyd gan y deisebydd, a hefyd pam nad yw Llywodraeth Cymru yn casglu nac yn cadw data ar symudiadau disgyblion dros ffin Cymru/Lloegr; ac

· anfon manylion y ddeiseb ymlaen at y Pwyllgor sy’n gyfrifol am graffu ar y Bil Llywodraeth Leol (Cymru) pan gaiff ei gyflwyno, er mwyn iddynt allu ystyried y materion a godwyd.

</AI9>

<AI10>

3.2 P-04-637 Diogelu Dyfodol Cerddoriaeth Ieuenctid yng Nghymru

Trafododd y Pwyllgor yr ohebiaeth ynghylch y ddeiseb a chytunwyd i:

· ysgrifennu eto at CBAC yn gofyn am yr ymateb sydd heb gyrraedd ynghylch gohebiaeth flaenorol;

· ysgrifennu at CLlLC i ofyn am wybodaeth am sut y mae awdurdodau lleol yn bwrw ymlaen ag argymhellion y Grŵp Gorchwyl a Gorffen ar Wasanaethau Cerdd; ac

· ysgrifennu at y Gweinidog i ofyn iddo ymateb i sylwadau pellach y deisebwyr a hefyd y sail dros ei benderfyniad i beidio â defnyddio rhai o’r arian sydd ar gael i ddiogelu darpariaeth gerddoriaeth mewn ysgolion.  

</AI10>

<AI11>

3.3 P-04-522 Asbestos mewn Ysgolion

Trafododd y Pwyllgor yr ohebiaeth ynghylch y ddeiseb a chytunwyd i:

· ofyn am farn y Gweinidog ar sylwadau pellach y deisebydd; a

· gofyn am grynodeb o’r gwaith a wnaed eisoes i lywio ystyriaeth y Pwyllgor nesaf.

</AI11>

<AI12>

3.4 P-04-620 Ailgyflwyno’r Terfyn Cyflymder Cenedlaethol ar Ffordd Osgoi Aberteifi

Ystyriodd y Pwyllgor ohebiaeth ynghylch y ddeiseb a chytunodd i ofyn i’r Gweinidog roi gwybod i’r Pwyllgor neu ei olynydd am ei phenderfyniad terfynol ar y gorchymyn traffig arfaethedig ac, unwaith y bydd wedi dod i law, gellir cau’r ddeiseb gan ei bod yn nodi diwedd proses statudol.

</AI12>

<AI13>

3.5 P-04-617 Stopiwch y Trosglwyddo Dilyffethair o Lyfrgelloedd Cyhoeddus i'r Sector Gwirfoddol

Datganodd William Powell y buddiant a ganlyn o dan Reol Sefydlog 17.24A:

Mae’n un o sylfaenwyr y Grŵp Mynediad Llyfrgelloedd mewn Trefi Bychain.

Trafododd Aelodau ohebiaeth gan y deisebydd, a chan iddynt deimlo na allent wneud rhagor i fynd â'r ddeiseb yn ei blaen, cytunwyd i gau’r ddeiseb.

</AI13>

<AI14>

3.6 P-04-572 Grantiau ar gyfer Gwrthsefyll Llifogydd

Trafododd y Pwyllgor yr ohebiaeth ynghylch y ddeiseb a chytunwyd i:

· Aros am ymateb gan y Gweinidog a Chyfoeth Naturiol Cymru;

· Gofyn i’r Pwyllgor Amgylchedd nesaf ystyried y materion a godir gan y ddeiseb, neu, yn dibynnu ar eu hymateb;

· Gofyn i’r Pwyllgor nesaf i ystyried cynnal darn o waith ei hun ar y materion a nodwyd yn y ddeiseb.

</AI14>

<AI15>

3.7 P-04-595 Llwybr Foresight

Trafododd y Pwyllgor ohebiaeth bellach gan y deisebydd, a chan iddynt deimlo na allent wneud rhagor i fynd â'r mater yn ei flaen, cytunwyd i gau'r ddeiseb.

</AI15>

<AI16>

3.8 P-04-477 Cefnogi'r Bil Rheoli Cŵn (Cymru)

Trafododd y Pwyllgor ohebiaeth ynghylch y ddeiseb gan y deisebydd a Julie Morgan AC, a chytunodd i gadw’r ddeiseb ar agor tan y bydd adolygiad RSPCA ar berchnogaeth cŵn cyfrifol wedi cael ei gyhoeddi.

</AI16>

<AI17>

3.9 P-04-532 Gwella Gwasanaethau Niwrogyhyrol Arbenigol yng Nghymru

Trafododd y Pwyllgor yr ohebiaeth ynghylch y ddeiseb a chytunwyd i:

· ofyn i’r Pwyllgor Iechyd nesaf ystyried y materion a nodwyd yn y ddeiseb ac i rannu gohebiaeth Byrddau Iechyd gyda nhw ac, yn dibynnu ar eu penderfyniad;

· cynghori’r Pwyllgor Deisebau nesaf gynnal darn byr o waith ar y mater.

</AI17>

<AI18>

3.10P-04-436: Gwariant a Refeniw Llywodraeth Cymru

Trafododd y Pwyllgor ohebiaeth gan y Gweinidog Cyllid a Busnes y Llywodraeth a chytunodd i ofyn i’r deisebydd am ei sylwadau.

</AI18>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>